انا وشلون اعيش باقي العمر من دونك
حبيبي لا تطولها ذبحني الشوق بغيابك
عسى ماشر وش اللي صار علمني وانا عونك
ولكن لا تخليني فديت ( اهلك ومن جابك )
عيوني ما تنام الليل ألا يا حظها عيونك
تنام الليل ما تدري وش اللي صار باسبابك!!
ودمعي يوووهـ من دمعي ! يدور وينها متونك
يصبر دمعتي خدي يقول : ايجونك احبابك
يقول : الصبر يا دمعه على هونك على هونك
بيرجع لك حبيب الروح...يواسي فيك ما صابك
ترى كلي واحاسيسي وجروح الحب يشكونك
حبيبي طالت الفرقا متى بتسوق لي ركابك؟؟
غديت فغربتك قاسي...طغى طغيان فرعونك
نشف بك غيمي الماطر... الا يا الله على بابك
يقولون فغيابك : ((تاركك وآكيد بيخونك))
واقول : لآبوك يا العاذل ولآبو من تعزوا بك
فديتك بس علمني وش اللي مغيرن لونك؟؟
وانا برضي غرورك بس تبقى لي وانا ابقى بك
ابيك تصير سجّاني ... وانا با صير مسجوونك
ابيك تحطني نخلة وانا با عيش بترابك
ابيهم يكتبوني في سطور الحب مجنونك
ابي اصبح (رواية عشق) في صفحات بكتابك
انا فيني خليط من الغلا و الشوق يرثونك
انا ودي اكون أول .... وآآآخر حب ينتابك
حبيبي (ضحكتي)و( دمعة لقاك ) اليوم يدعونك
وتشقيني (هموم فراقكم ) و ( البعد ) واشقابك
وانا ما ظنتي اقدر اكمل يومي ابدونك
حبيبي لا تطولها ذبحني الشوق بغيابك